اذا تسمحولي عندي شي الكم

[اريد وياك اسولف انه سالوفه
..
شنو عندك قصر بالنظر لو متشوف
جرحي گبال عينك شنهي متشوفه؟
..
والتكتل بديك الخيط والمخياط
جا ليش الجرح ماتقبل تروفه
..
الظاهر تحب لون الحمار هواي
لذلك عايف انت جروحي مكشوفه
..
اذا متونس انت تباوع على دماي
متع نظر عينك والجرح عوفه
..
خلينه نتحاسب حسبه مال احباب
واگلك بالاحسه وانت هم كلي
..
تعال وخلي نگعد نشرح الاسباب
وخلي على الحروف نقاطنه نخلي
..
اذا كل شبر بيه تحبه انت تگول
انه حبي الك ينقاس بالملي
..
واذا بگلبك اعيشن فقط يالمحبوب
والكعبه انت كلك عايش بكلي
..
نتعارك نعم مرات انه وياك
وتكتلني كتل وهواك ماتركه
..
وبالعركه اكيف من عليه تفوز
اشعر جني انه الفزت بالعركه
..
وبالعركه ابد ماريد اي حاجوز
عركي وياك ماريد احد يفكه
..
انه الرايد مشابك شلي بالحاجوز
عركتي وياك كلها لخاطر الشبكه
..
اكتلني بعد وفركني حد الموت
الذهب يزدد بريقاً لمن تفركه
..
ولو صايرلي زيبگ بس بسيطه تهون
لو زيبگ يصير الزيبگ نمسكه

: