مــــــاراد

بيك الكلب محبوس ..... وانسجنه
وعشك روحك قماش ..... وانسجنه
انسى بيك روحي وكلبي ..... وانسه جنه
ولو جهنم هم اكضك ...... بيديه.


اجيتك ملهوف بعد الفركه .. عناي
وبجيت فراكك كل دكه .. عل ناي
عني اكلك كل كلمه .. عناي
آنه الوفه والود يسري بيه.


حلو الاشكر وعيونه .. سماوي
بيه مفتون والهيئه .. سماوي
جمال البيه يهل وادم .. سماوي
ليل الناس وبنص الكمر ليه.


انشدك يانسب انته .. ويامله ؟!
لان نبضي بفراكك كلبي .. مله
ادك والطم عليك اصبحت .. مله
وانوح اعليك كل صبح .. ومسيه


سكاني القهر من فركاك بس مر..
وماشفت بالدنيا عسل بس مر..
أفرش رموشي بساط ألك بس مر..
بعيد وشوفتك حسره عليه.


دمه دمع البيابي سال .. وانهات
عليك اكضي العمر حسرات .. وانهات
بهواك انه اعذلتني الناس .. وانهات
واخذني الهوى من غصبن .. عليه


**وهاي لعيونكم باللون الأحمر**

طشرني بزعل بس لمني من ترتاح
وانه ادري تحبني وما تبديني..
اكدر اسوي الماكدرت اعليه
بس من فركتك يهواي تعفيني.